ខេត្តកំពង់ឆ្នាំង រៀបចំពិធីបិទសន្និបាទបូកសរុបលទ្ធផលការងារឆ្នាំ២០១៨ និងលើកទិសដៅឆ្នាំ២០១៩

កំពង់ឆ្នាំង៖ លោកស្រី តុង ណារី ប្រធានគណៈកម្មាធិការពិគ្រោះយោបល់កិច្ចការស្រ្តី និងកុមារខេត្តកំពង់ឆ្នាំង និងជាសមាជិកក្រុមប្រឹក្សាខេត្ត បានអញ្ជើញចូលរួមបិទសន្និបាតបូកសរុបលទ្ធផលការងារ ឆ្នាំ២០១៨ និងលើកទិសដៅការងារឆ្នាំ២០១៩ របស់ក្រសួងកិច្ចការនារី នៅសណ្ឋាគារភ្នំពេញ។
ពិធីនេះប្រព្រឹត្តទៅក្រោមអធិបតីភាពលោកស្រីឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនង ជាមួយរដ្ឋសភា ព្រឹទ្ធសភា និងអធិការកិច្ច និងលោកស្រី អុឹង កន្ថាផាវី រដ្ឋមន្ត្រីក្រសួងកិច្ចការនារី។

លោកស្រី អុឹង កន្ថាផាវី បានឱ្យដឹងថា សន្និបាតក្រសួងកិច្ចការនារី ដែលប្រព្រឹត្តទៅអស់រយៈពេល ១ថ្ងៃកន្លះកន្លងមក ដោយមានការចូលរួមពីថ្នាក់ដឹកនាំ មន្ត្រីរាជការ ក្រសួងកិច្ចការនារី តំណាងក្រសួង-ស្ថាប័ន សមាជិកាក្រុមប្រឹក្សា ប្រធានគណកម្មាធិការពិគ្រោះយោបល់កិច្ចការស្រ្តី និងកុមារ (គ.ក.ស.ក) អភិបាលរងនៃគណៈអភិបាលរាជធានី ខេត្ត តំណាងអង្គការជាតិ អន្តរជាតិ ដៃគូអភិវឌ្ឍន៍សរុបប្រមាណ ៣០៥នាក់ ស្រី្ត ២៦០នាក់ នៅថ្ងៃទី២ ខែមេសា ឆ្នាំ២០១៩៕