បុគ្គលិកធនាគារ ABA ម្នាក់ត្រូវប្ដីអារកសម្លាប់ រួចប្ដីទៅចងកបញ្ចប់ជីវិតខ្លួនឯងតាមក្រោយ ដោយបន្សល់ទុកកូនស្រីអាយុ៣ឆ្នាំម្នាក់

(ភ្នំពេញ)៖ មានករណីបង្កឲ្យមានភ្ញាក់ផ្អើល នៅវេលាម៉ោងជិត៩យប់ ថ្ងៃទី០៩ ខែមេសា ឆ្នាំ២០១៩ម្សិលមិញនេះ ដោយបុរសជាប្តីបានអារ.កសម្លាប់ប្រពន្ធរបស់ខ្លួន ហេីយបានរត់ទៅចង.កសម្លាប់ខ្លួន តាមក្រោយ ដែលស្ថិតនៅក្នុងផ្ទះល្វែង មួយកន្លែង ក្នុងភូមិតាឡី សង្កាត់ដង្កោ ខណ្ឌដង្កោ រាជធានីភ្នំពេញ ដោយបន្សល់ទុកកូនស្រីអាយុ៣ឆ្នាំម្នាក់។

តាមការបញ្ជាក់របស់អ្នកនៅកន្លែងនោះបានអោយដឹងថា  កម្លាំងសមត្ថកិច្ចបានចុះទៅទីតាំងកើតហេតុ ដើម្បីធ្វើការស្រាវជ្រាវ នៅពេលដែលមូលហេតុមិនទាន់ដឹងច្បាស់នៅឡើយទេ។

លោក ជឹម ស៊ីថា អធិការនគរបាលខណ្ឌដង្កោ បានបន្ថែមថា ស្ដ្រីរងគ្រោះដែលត្រូវប្ដីអារកសម្លាប់ បម្រើការងារនៅធនាគារ ABA ហើយបុរសជាប្ដីបម្រើការងារ ជាបុគ្គលិកក្រុមហ៊ុនឯកជនមួយកន្លែង។

លោកអធិការបញ្ជាក់ទៀតថា មូលហេតុជំហ៊ានដំបូងដោយយោងតាមការសាកសួរទៅកាន់សាច់ញាតិ គឺគ្រួសារលើនេះតែងតែឈ្លោះគ្នាជារឿយៗ ហើយរហូតដល់ប្រពន្ធសុំលែងលះ ទើបកើតមានករណីនេះតែម្ដង។

អ្វីដែលគួរឲ្យសោកសង្រែងនោះ បន្ទាប់ពីការស្លាប់របស់ពួកគេទាំង២នាក់ គឺបានបន្សល់ទុកកូនស្រីអាយុ៣ឆ្នាំម្នាក់ឲ្យនៅកំព្រា និងមិនដឹងថាឪពុកម្ដាយស្លាប់នោះទេ។